Հանրօգուտ ծրագրեր

TAPON.AM հավելվածն իր օգտատերերին առաջարկում է տեսակավորել թղթի թափոնը կենցաղային աղբից և այն տրամադրել վերամշակման։ Հանձնած թղթի թափոնի յուրաքանչյուր կգ-ի դիմաց հավելվածը բաժանորդին հատկացնում է միավորներ․ այսպես կոչված TapPoint-ներ: TAPON.AM-ը պարբերաբար հրապարակելու է հանրօգուտ ծրագրեր, որոնց նպատակն է աջակցել շրջակա միջավայրի խնդիրների լուծմանը: Թափոնը վերամշակման հանձնելով՝ բաժանորդները հնարավորություն են ստանում քվեարկել հավելվածի կողմից հրապարակված հանրօգուտ ծրագրից մեկի օգտին: Քվեարկության արդյունքում առավելագույն ձայներ հավաքած հանրօգուտ ծրագիրը իրականություն կդառնա Ձեր և մնացած բոլոր բաժանորդների կուտակած ընդհանուր միավորների շնորհիվ։ Յուրաքանչյուր բաժանորդ մշտապես կարող է ծնոթանալ ինչպես քվեարկության ընթացքին, այդպես էլ արդյունքներին և կուտակված միավորներին։

 

Դե ի՞նչ. ընտրությունը Ձերն է՝ դեն նետել այլևս ոչ պիտանի թուղթը՝ վնասելով բնությանը, թե կուտակել այն և տրամադրել վերամշակման՝ օգուտ բերելով բնությանն ու շրջակա միջավայրին: